PENGENTER PUJA MUSPA (PANCA KAMANING SEMBAH)

OLEH: I MADE YUDA ASMARA

Om Swastyastu

OM AWIGNAM ASTU NAMAH SIDHAM

Inggih Ida-dane para Bakta sareng sami sane Baktinin Titiang

Riantukan Dane Jero Pamangku duwene sampun wusan ngastawang bhakti utawi aturan ida-dane sami, sane mangkin sampun panemaya galah titiang ngiring ida-dane para bhakta / pamedek sinamian nglanturang pamuspaan.

Inggih mangkin Durusang ngrereh genah sane becik. Ida dane sane lanang mangda ngambil genah antuk malinggih padmasana / silasana, ida dane bhkata istri mangda mangambil genah antuk malinggih bajrasana / matimpuh. Nglantur janggepin Rion srana upakara pemuspayan duwene.

Yening sampun sami jangkep, Mangkin ngastawa dumun suwang-suwang angga sarira, tunggalang sabda bayu lan idep duwene,. Sadurung ngawitin kramaning sembah ngiring sareng-sareng ngaturan puja trisandya.

Asana…………………!

Pranayama………………….!

Karasudhana …………….!

“Om Kara sudhamam swaha, Om ati sudhamam swaha”

AMUSTIKARANA, PUJA Trisandya ngawit!

…………………………………Tri Sandya Sinarengan…………………………….

Inggih majeng ring Ida dane Para Bakta sinamian, Puja Trisandya sampun kemargiang,

Sane mangkin ngiring lanturang pamuspan duwene antuk ngaturang kramaning Sembah

Kawitin sembah Kapertama malarapan antuk ngunggahang sembah puyung pinaka nyuciang angga/jiwatman majeng Ida Bhatara, asepin riiin tangan druene raris munggah!

………………………………..Sembah Puyung kalanturang………………………

Kaping kalih mesrana antuk sekar petak, uleng kayune majeng ring Ida Sang Hyang Surya Raditya pinaka upasaksi bhakti duwene. Inggih durusang unggahang!

………………………….Sembah memuja Ida Sang Hyang Surya………………………

Kelanturang Sembah kaping tiga nganggen srana Kwangen utawi sekar jangkep. Uleng Kayune majeng ring Ida Bhatara sane malingga-malinggih ring Ajeng! (baosang wastan pura)

……………….Sembah ring Sasuhunan sane malingguh ring Padmasana…………

Kelanturang sembah kaping pat mesrana antuk kwangen utawi sekar jangkep uleng kayune majeng ring Ida Sang Hyang Samodaya (Ida Bhatara Kabeh). Inggih durus unggahang!

…………………………….Sembah bhakti Bhatara Samodaya………………………

Inggah Sembah Kaping untat Mangkin mewali ngunggahang sembah puyung, Uleng kayune majeng ring Ida Sang meraga Achintya . inggih durus unggahang.

………………………………..Sembah Puyung Pamuput………………………

Inggih puput,

Majeng Ida dane para bhakta sareng sami, Pemuspayan krmaning sembah sampun kemargiang, titiang nunas mangda meneng abos-bos , nyantos Pemargin Wangsuhpada Tirta muah Wija.

Selanturnyane titiang nunas ring Dane Jero Mangku miwah para pengayah mangda ledang micayang wangsuh padan Ida Bhatara miwah bija majeng ring smeton pemedek sareng sami!

Inggih durusang!

INGGIH WANGSUH PADA TIRTHA MUAH BIJA SAMPUN KEMARGIANG, SANE MANGKIN PUPUTANG KRAMANING SEMBAH DUWENE ANTUK NGUCARANG PARAMA SANTHI,

“OM SANTHI, SANTHI, SANTHI OM.”